ਮਜ਼ਦੂਰ-ਕਰਮਚਾਰੀ ਵਿਰੋਧੀ ‘ਚਾਰ ਲੇਬਰ ਕੋਡਾਂ’ ਦੇ ਖ਼ਿਲਾਫ਼ ਅਭਿਆਨ– ਸੰਗਰੂਰ, ਪੰਜਾਬ
ਲੇਬਰ ਕੋਡ ਰੱਦ ਕਰਵਾਉਣ ਲਈ ਦੇਸ਼ਵਿਆਪੀ ਅੰਦੋਲਨ ਖੜ੍ਹਾ ਕਰੋ ਅਤੇ ਅਨਿਸ਼ਚਿਤਕਾਲੀ ਆਮ ਹੜਤਾਲ ਲਈ ਇੱਕਜੁੱਟ ਹੋਵੋ!!
ਅੱਜ ਸੰਗਰੂਰ ਦੇ ਬੱਸ ਅੱਡੇ, ਵਰਕਸ਼ਾਪਾਂ ਅਤੇ ਦਫ਼ਤਰਾਂ ਵਿੱਚ ਰੋਡਵੇਜ਼ ਕਰਮਚਾਰੀਆਂ, ਮਜ਼ਦੂਰਾਂ ਅਤੇ ਮੁਲਾਜ਼ਮਾਂ ਦਰਮਿਆਨ ਮਜ਼ਦੂਰ-ਕਰਮਚਾਰੀ ਵਿਰੋਧੀ ਚਾਰ ਲੇਬਰ ਕੋਡਾਂ ਦੇ ਖਿਲਾਫ਼ ਅਭਿਆਨ ਚਲਾਇਆ ਗਿਆ। ਕਰਮਚਾਰੀਆਂ ਨਾਲ਼ ਗੱਲ ਕਰਦਿਆਂ ਦੱਸਿਆ ਗਿਆ ਕਿ ਮੋਦੀ ਸਰਕਾਰ ਵੱਲੋਂ ਲੇਬਰ ਕੋਡ ਲਾਗੂ ਕਰਨਾ ਮਜ਼ਦੂਰਾਂ ਅਤੇ ਕਰਮਚਾਰੀਆਂ ਦੇ ਸਾਰੇ ਹੱਕਾਂ ਦਾ ਕਤਲ ਕਰਨਾ ਹੈ। ਲੜਾਈਆਂ ਰਾਹੀਂ ਹਾਸਲ ਕੀਤੇ ਸਾਡੇ ਸਾਰੇ ਹੱਕਾਂ ‘ਤੇ ਇਹ ਫ਼ਾਸੀਵਾਦੀ ਭਾਜਪਾ ਦਾ ਸਭ ਤੋਂ ਵੱਡਾ ਹਮਲਾ ਹੈ। ਇਹ ਮਜ਼ਦੂਰਾਂ- ਮੁਲਾਜ਼ਮਾਂ ਦੀ ਪੂਰੀ ਮਿਹਨਤਕਸ਼ ਅਬਾਦੀ ਨੂੰ ਗੁਲਾਮ ਬਣਾਉਣ ਦਾ ਇੱਕ ਫ਼ਾਸੀਵਾਦੀ ਸਾਧਨ ਹੈ।
ਹੁਣ ਸਮਾਂ ਆ ਗਿਆ ਹੈ ਕਿ ਭਾਰਤ ਦੇ ਸਾਰੇ ਸੰਗਠਿਤ ਅਤੇ ਗ਼ੈਰ-ਸੰਗਠਿਤ ਮਜ਼ਦੂਰ-ਕਰਮਚਾਰੀ ਇਕੱਠੇ ਹੋ ਕੇ ਲੜਨ। ਫ਼ਾਸੀਵਾਦੀ ਮੋਦੀ ਸਰਕਾਰ ਦੇ ਇਸ ਹਮਲੇ ਦਾ ਜਵਾਬ ਇੱਕਜੁੱਟ ਹੋਕੇ ਦੇਣਾ ਜ਼ਰੂਰੀ ਹੈ। ਇਹ ਸਮਾਂ ਹੈ ਕਿ ਸਾਰੀਆਂ ਕੇਂਦਰੀ ਟ੍ਰੇਡ ਯੂਨੀਅਨਾਂ ਅਤੇ ਉਦਯੋਗਾਂ/ਪੇਸ਼ਿਆਂ ਦੀਆਂ ਯੂਨੀਅਨਾਂ (ਸਪੱਸ਼ਟ ਤੌਰ ‘ਤੇ ਬੀਐੱਮਐੱਸ ਨੂੰ ਛੱਡ ਕੇ, ਜੋ ਹੁਣ ਵੀ ਸਰਕਾਰ ਦੀ ਸੁਰ ਵਿੱਚ ਸੁਰ ਮਿਲ਼ਾ ਰਹੀ ਹੈ) ਆਪਣੇ ਆਪਸੀ ਮੱਤ-ਭੇਦਾਂ ਨੂੰ ਭੁੱਲ ਕੇ ਇਸਦੇ ਵਿਰੋਧ ਵਿੱਚ ਇਕੱਠੀਆਂ ਹੋਣ। ਸਭ ਨੂੰ ਮਿਲ਼ ਕੇ ਅਨਿਸ਼ਚਿਤ ਸਮੇਂ ਦੀ ਆਮ ਹੜਤਾਲ ਦਾ ਐਲਾਨ ਕਰਨਾ ਚਾਹੀਦਾ ਹੈ ਅਤੇ ਇਹ ਲੇਬਰ ਕੋਡ ਵਾਪਸ ਹੋਣ ਤੱਕ ਇਹ ਹੜਤਾਲ ਜਾਰੀ ਰਹੇ।
ਸਾਰੇ ਕਰਮਚਾਰੀਆਂ ਨੇ ਗੱਲਾਂ ਨਾਲ਼ ਸਹਿਮਤੀ ਜਤਾਈ ਅਤੇ ਆਪਣੀ ਯੂਨੀਅਨ ਵਿੱਚ ਵੀ ਅਨਿਸ਼ਚਿਤਕਾਲੀ ਹੜਤਾਲ ਬਾਰੇ ਗੱਲ ਕਰਨ ਦਾ ਵਾਅਦਾ ਕੀਤਾ।
ਹੁਣ ਨਾ ਸਮਾਂ ਹੈ, ਜੂਝਣਾ ਹੀ ਤੈਅ ਹੈ!
Recent Comments